Saturday, April 23, 2011

சரியென்ற தவறு..


நான் செய்வது தவறு
உன் பார்வையில்

உனக்குப் பிடிக்குமானால்
நான் செய்யும் தவறும் சரியானதாகும்
உன் பார்வையில்

எனக்கு பிடிக்காவிடில்
உன் சரியும் தவறாகும்
என் பார்வையில்

இது உண்மையானால்
சரியெது தவறெது

இது பொய்யானால்
தவறெது சரியெது

உண்மை பொய்யாகும் போது
சரியும் தவறாகும்

உண்மையில்
சரியென்றும் தவறென்றும்
ஏதுமில்லை

உண்மையென்றும் ஒன்றுமில்லை
இவையனைத்தும் உண்மையாகும்
நான் சொல்வது பொய்யில்லையென்றால்